მთავარი გვერდი ახალი ამბები
უწმინდესი პატრიარქის კირილეს პასუხი ალექსანდრიის უნეტარ…

უწმინდესი პატრიარქის კირილეს პასუხი ალექსანდრიის უნეტარეს პატრიარქ თეოდორეს


მოსკოვისა და სრულიად რუსეთის უწმინდესმა პატრიარქმა კირილემ უნეტარეს პატრიარქ თეოდორე II-ს პასუხი გაუგზავნა მოწოდებაზე, გაეუქმებინა რუსეთის მართლმადიდებელი ეკლესიის წმინდა სინოდის გადაწყვეტილება აფრიკის საპატრიარქო საეგზარქოსოს დაარსებისა და იქ ეგზარქოსის დადგინების შესახებ.

მის უნეტარესობას უნეტარეს თეოდორე II-ს, ალექსანდრიისა და სრულიად აფრიკის პაპსა და პატრიარქს

თქვენო უნეტარესობავ!

მივიღე კიდევ ერთი თქვენი წერილი, სადაც მომიწოდებთ გავაუქმო რუსეთის მართლმადიდებლი ეკლესიის წმინდა სინოდის გადაწყვეტილება აფრიკის საპატრიარქო საეგზარქოსოს შექმნისა და ეგზარქოსის დანიშვნის შესახებ.


აფრიკაში ჩვენი საეგზარქოსოს დაარსების მიზეზებისა და გარემოებების თაობაზე მე თქვენ დაწვრილებით უკვე მოგწერეთ. ახსნილია ისინი რუსეთის მართლმადიდებელი ეკლესიის წმინდა სინოდის ახლახან, 28 იანვარს გაკეთებულ განცხადებაში, რომლის ასლსაც გიგზავნით.


ამავე დროს, თქვენი უნეტარესობისგან მე ჯერაც არ მომისმენია, თუ რა კანონიკურმა მიზეზებმა აღგძრა თქვენ, უკრაინის მართლმადიდებელი ეკლესია არარსებულად და არაკანონიკურად მიგეჩნიათ, ხოლო სამღვდედლო მადლის არმქონე სქიზმატები, რომლებიც მას მტრობენ, ამ ქვეყანაში ერთადერთ კანონიკურ „ავტოკეფალურ ეკლესიად“ გეღიარებინათ. არც ჩემ მიერ მიღებულ თქვენს წერილებში, არც ალექსანდრიის საპატრიარქოს წმინდა სინოდის გამოქვეყნებულ კომუნიკეში, ეს კანონიკური მიზეზები ახსნილი არ არის, და არც შეიძლება ახსნილი იყოს, რადგან ისინი უბრალოდ არ არსებობს, როგორც ეს თავადაც მშვენივრად იცით.

რუსეთის ეკლესიის მსჯელობა იმის შესახებ, რომ ის პირები, ვინც აღიარებენ სქიზმატურ ე.წ. უკრაინის მართლმადიდებლურ ეკლესიას, თავადაც მიიდრიკებიან განხეთქილებისკენ, გააჩნია ღრმა კანონიკური საფუძველი, რომელსაც თქვენ ამაოდ უარყოფთ. ანტიოქიის კრების მე-2 კანონი ნათლად განაჩინებს: „დაუშვებელია ერთი ეკლესიის მიერ განკვეთილებთან თანაზიარება და მათი შეწყნარება სხვა ეკლესიის მიერ. ხოლო თუ ეპისკოპოსი, მღვდელი, დიაკონი ან სხვა რომელიმე კლირიკოსი აღმოჩნდება საეკლესიო ერთობისგან განყენებულთა თანამოზიარე, მაშინ დაე, თვითონაც დარჩეს საეკლესიო ერთობის გარეთ, როგორც საეკლესიო კანონის დამრღვევი“.

ამასვე გვაფრთხილებს წმინდა მოციქულთა მე-12 კანონიც: „თუ უზიარებლონით დასჯილი კლირიკოსი ან ერისკაცი, ანდა სასულიერო დასში მიღებისათვის უღირსი პირი წავა და მას სხვა ქალაქში მიიღებენ წარმომადგენლობითი სიგელის გარეშე, უზიარებელნი დარჩნენ შემწყნარებელიცა და შეწყნარებულიც“.

ანტიოქიის კრების მე-4 კანონის თანახმად: „ყველა მათთან თანაზიარი [ანუ კრების მიერ ხარისხიდან განკვეთილებთან] ეკლესიიდან უნდა განიკვეთოს, განსაკუთრებით მაშინ, როცა ეცოდინებათ რა ზემოთ დასახელებულთა წინააღმდეგ გამოტანილი მსჯავრი, გაკადნიერდებიან თანაზიარება იქონიონ მათთან“. ასევე კრძალავს განკვეთილებთან ერთობას სხვა მრავალი კანონიკური დადგენილებაც (I მსოფ. 5; მოციქ. 11; კართ. 9 და სხვ.). თქვენი უნეტარესობისთვის კარგად არის ცნობილი, რომ უკრაინის განხეთქილების წამომწყებთა და მათი მიმდრევრების აკრძალვა აღიარა ყველა წმინდა ადგილობრივმა მართლმადიდებელმა ეკლესიამ, მათ შორის, თქვენი წინამორბედმა მარადსახსენებელმა პატრიარქმა პართენ III და შემდგომში მთელს მართლმადიდებლურ სამყაროში არავის არასდროს ეს გადაწყვეტილება ეჭვქვეშ არ დაუყენებია. წმინდა კანონებისა და მრავალსაუკუნოვანი საეკლესიო პრაქტიკის თანახმად, ეკლესიაში უკრაინელი სქიზმატიკოსების მიღება შესაძლებელია მხოლოდ მათი სინანულის შემდგომ და იმ ადგილობრივ ეკლესიასთან შეერთებით, რომელსაც ისინი მოწყდნენ, ანუ უკრაინის მართლმადიდებელ ეკლესიასთან. უკრაინაში სქიზმატიკოსებს, როგორც ცნობილია, არ შეუნანიებიათ და არ დაბრუნებულან თავის ეკლესიაში. მას შემდეგ კი, რაც თქვენ ისინი შეიწყნარეთ და მერე მათთან ევქარისტული კავშირი დაამყარეთ, მათ კვალად თქვენც განხეთქილებაში აღმოჩნდით და ზემოთ მოყვანილი კანონების სიმკაცრით მათთავე თანაბარ განკვეთას ექვემდებარებით. სწორედ ამ მიზეზით ალექსანდრიის ეკლესიის ბევრი კლირიკოსი იძულებული გახდა თავი დაეზღვიათ თქვენთან ერთობისგან და კანონიკური დაცვა ჩვენს ეკლესიაში მოეძებნათ.

რაც შეხება თქვენს მუქარებს კლინის ყოვლადუსამღვდელოესი მიტროპოლიტის ხარისხიდან განკვეთასთან დაკავშირებით, რომელიც ჩვენი ეკლესიის წმინდა სინოდმა აფრიკის ეგზარქოსად დაადგინა, მოკლებულია საეკლესიო სამართლის ყოველგვარ საფუძველს.
ერთი რომელიმე ავტოკეფალური ეკლესიის ეპისკოპოსი ან კლირიკოსი არანაირად არ ექვემდებარება სხვა ავტოკეფალური ეკლესიის სამსჯავროს. კანონიკური განჩინებები, რომლებსაც თქვენ იმოწმებთ (I მსოფლ. 8; IV მსოფლ. 12), არ ამყარებს თქვენს მუქარებს და სრულიად უადგილოა, ვინაიდან ისინი სულ სხვა საკითხებს ეხება. წმინდა კანონები მკაცრად უკრძალავენ ეპისკოპოსებს სხვა ეპარქიის საქმეებში ჩარევას, და თუ ისინი უკრძალავენ უცხო კლირიკოსის შეწყნარებას, რომელსაც არ აღმოაჩნდება წარმომადგენლობითი სიგელი თავისი ეპისკოპოსისგან (იხ. მოციქ. 33; I მსოფ. 16 და სხვ.), მაშინ როგორღა უნდა მიეცეს მას მისი განსჯის ნება, თანაც განუწესოს სასჯელის ისეთი უმაღლესი ზომა, როგორიცაა ხარისხიდან განკვეთა? ამასთან დაკავშირებით, გიცხადებთ, რომ თქვენი ეკლესიის ნებისმიერი სასამართლო გადაწყვეტილება კლინის მიტროპოლიტ ლეონიდეს ან ჩვენი ეკლესიის სხვა იერარქებისა თუ კლირიკოსების მიმართ, ჩვენ მიერ მიჩნეული იქნება კანონიკურად უსუსურად და უმოქმედოდ. წარუმატებელია აგრეთვე თქვენი უნეტარესობის მცდელობა, დაასაბუთოს თითქოსდა კონსტანტინეპოლის განსაკუთრებული უფლებანი 1663 წლის ტომოსზე ანუ ე.წ. „სამეფო და საპატრიარქო ხელისუფლების შესახებ გრაგნილზე“ დაყრდნობით. ეს დოკუმენტი სინამდვილეში მიემართებოდა არა რუსულ ეკლესიას, როგორც თქვენ შეცდომით ამტკიცებთ, არამედ მეფე ალექსი მიხეილის ძეს, რომელიც მოსკოვის პატრიარქ ნიკონის სასამართლო პროცესში მხარდაჭერას აღმოსავლელ პატრიარქებთან ეძებდა და მათ მისწერა თავისი შეკითხვები. რუსეთის ეკლესიას ეს პასუხები არასდროს უთხოვია უწმინდესი აღმოსავლელი პატრიარქებისთვის და თავის ცხოვრებაში არასდროს უხელმძღვანელია აღნიშნული დოკუმენტით.

როგორც ცნობილია, 1663 წლის ტომოსი არა წარმოადგენს კრების განჩინებას: ალექსანდრიისა და ანტიოქიის ეკლესიების წინამძღვრებმა ამ დოკუმენტს ხელი გაცილებით გვიან მოაწერეს. უფრო მეტიც, იერუსალიმის პატრიარქმა ნეკტარიოსმა აღნიშნულ დოკუმენტს თავისი განსაკუთრებული მოსაზრება დაურთო, სადაც ფაქტიურად უარყო ტომოსის დებულება სწორედ კონსტანტინეპოლის პატრიარქების განსაკუთრებული უფლებების შესახებ, ხოლო ანტიოქიის პატრიარქმა მაკარი III-მ ამ „გრაგნილზე“ ხელმოწერამდე ერთი წლით ადრე რომის პაპას საიდუმლოდ გაუგზავნა წერილი, რომელშიც მისდამი თავის დაქვემდებარებას აღიარებდა. ყოველივე ამის გათვალისწინებით ასეთი დოკუმენტი ძნელია, შეურყვნელი მართლმადიდებლური გარდამოცემის ავტორიტეტულ გამოხატულებად ჩაითვალოს.

კიდევ უფრომ გაკვირვებული ვართ იმით, რომ ქრისტეს ეკლესიაში მეთაურობაზე კონსტანტინეპოლის პატრიარქის პრეტენზიების გასამართლებლად თქვენ ეყრდნობით მოსკოვის საპატრიარქოს დაარსების 1590 წლის კრების ოქმებს. თქვენმა უნეტარესობამ უეჭველად იცის, რომ ალექსანდრიის კათედრაზე თქვენი დიდი წინამორბედი წმინდა მღვდელთმთავარი მელეტი პიგასი, რომელიც კანონიზირებულია თქვენი წმინდა ეკლესიის მიერ, ამ კრების გადაწყვეტილებებს არ აღიარებდა, რადგან ისინი მიღებულ იქნა ალექსანდრიის საპატრიარქოს აზრის გაუთვალისწინებლად. მისი ინიციატივით 1593 წელს კონსტანტინეპოლში შედგა აღმოსავლელ პატრიარქთა ახალი კრება, რომელმაც გადახედა წინა კრების გადაწყვეტილებებს და განაჩინა, რომ მოსკოვის პატრიარქი „იყოს და იწოდებოდეს მართლმადიდებელი პატრიარქების ძმად, და ამ წოდების ძალით – თანამოხარისხედ, თანამოსაყდრედ და თანასწორად ხარისხითა და ღირსებით“. აღნიშნული კრების განჩინებებში, რომლის შთამაგონებელი და მთავარი მოღვაწე წმინდა მღვდელთმთავარი მელეტი გახლდათ, მინიშნებაც კი არ არის იმაზე, რომ კონსტანტინეპოლის პატრიარქი ფლობს რაიმე უფლებამოსილებას მოსკოვის ან სხვა ნებისმიერი კათედრის პატრიარქზე.

საკუთარ თხზულებებში წმინდა მღვდელთმთავარი მელეტი გადაჭრით გამოდიოდა მსოფლიო ეკლესიაში ერთი ეპისკოპოსის მეთაურობის იდეის წინააღმდეგ.
მისი მემკვიდრე და მოწაფე ალექსანდრიის პატრიარქი კირილე ლუკარისი, რომელიც ასევე კანონიზირებულია თქვენი წმინდა ეკლესიის მიერ, ახლახან კი კონსტანტინეპოლის საპატრიარქოს მიერაც, თავისი მასწავლებლის კვალად აქტიურად გამოდიოდა პაპიზმის წინააღმდეგ და უარყოფდა მთელს ეკლესიაზე პატივით პირველი ეპისკოპოსის მეთაურობის შესახებ სწავლებას.

მიმაჩნია, რომ ზედმეტი არ იქნება შევახსენო თქვენს უნეტარესობას, რომ ალექსანდრიის მართლმადიდებელი ეკლესიის კრებამ, რომელიც ალექსანდრიის უნეტარესმა პატრიარქმა ნიკანორმა მოიწვია 1867 წელს, დაგმო კონსტანტინეპოლის ეკლესიის ჩარევა ალექსანდრიის საპატრიარქოს საქმებში; გამოვიდა ყველა პატრიარქის თანასწორობის სასარგებლოდ და განაცხადა, რომ კონსტანტინეპოლის ეკლესიის წინამძღვარს არ აქვს სხვა ეკლესიების საქმეებში ჩარევის უფლება. კონსტანტინეპოლის ეკლესიის ჩარევის დაგმობას ალექსანდრიის ეკლესიის საქმებში მაშინ მხარი დაუჭირა ანტიოქიის, იერუსალიმის, რუსეთის, კვიპროსისა და ელადის ეკლესიებმა.

შემდგომ წლებში ალექსანდრიის პატრიარქები ასევე არაერთხელ გამოსულან ეკლესიისა და მართლმადიდებლური გარდამოცემის შესახებ სწავლების სიწმინდის დასაცავად. კონსტანტინეპოლის საპატრიარქოს მიერ ალბანეთის ეკლესიისათვის ავტოკეფალიის ცალმხრივად მინიჭებასთან დაკავშირებით ალექსანდრიის პატრიარქი ნიკოლოზ V 1937 წელს წერდა: „ამ უკანსკნელ წლებში, ერთი მხრივ, ზოგადსაეკლესიო, მეორე მხრივ კი ეკლესიებისთვის ავტოკეფალის მინიჭებისა და დამტკიცების შესახებ საკითხებში, საკმაოდ უცნაურადაა დადგენილი, რომ გასული (მე-19) საუკუნის შუახანებიდან, ანუ ელადის ეკლესიისათვის ავტოკეფალურობის ბოძების მომენტიდან, კონსტანტინეპოლის წმინდა სამოციქულო საყდარი უკვე საერთოდ ყურად არ იღებს არც ეკლესიის შესაბამის კანონებს, არც მასში გაბატონებულ ჩეულებებს, იქცევა სრულიად ცალმხრივად, აიგნორირებს ყველა ადგილობრივი ავტოკეფალური ეკლესიის მეთაურს“.

სამწუხაროა, რომ თქვენ, ძვირფასო ძმაო, ასე ადვილად განუდექით ალექსანდრიის ეკლესიის დიდებულ მემკვიდრეობას, მართლმადიდებლობის კანონიკურ ტრადიციებს, რომლის ერთგულ მცველებად საუკუნეების მანძილზე გვევლინებოდნენ თქვენი უნეტარესნი წინამორბედნი, და დაადექით განხეთქილებისა და კონსტანტინეპოლის ახლანდელი პატრიარქის უკანონო საქმიანობაზე დათანხმების გზას.

უკრაინაში პატრიარქ ბართლომეოსის მოქმედებები იქცა მართლმადიდებლობის მტრების მზაკვრული ჩანაფიქრის განხორციელებად, რომლებსაც სურთ რუსეთი და რუსეთის ეკლესია ბერძნულ ეკლესიებს მოწყვიტოს. ამ განზრახვის შესახებ ჩვენთვის ცნობილი იყო, მაგრამ ჩვენ იმედს არ ვკარგავდით, რომ კონსტანტინეპოლის უწმინდესი პატრიარქი ღვთის შეწევნით გაბედავდა წინააღმდეგობა გაეწია მძლავრი პოლიტიკური ძალებისათვის. დიდი მწუხარებით უნდა ითქვას, რომ ეს არ მოხდა და შედეგად, პატრიარქმა ბართლომეოსმა თავისი ქმედებებით დაარღვია მსოფლიო მართლმადიდებლობის ერთობა. ღრმად ვწუხვარ, რომ ამ ქმედებების თანამონაწილე ახლა თქვენც გახდით.

თქვენო უნეტარესობავ! წმინდა დიდმარხვისწინა დღეებში ძმურად მოგიწოდებთ, გადახედოთ თქვენ მიერ მიღებულ გადაწყვეტილებებს და შეწყვიტოთ უკრაინის განხეთქილების მხარდაჭერა, რათა არ დაფლითოთ ქრისტეს უკერველი კვართი – საღვთო ეკლესია.

უფლისმიერი სიყვარულით,

+კირილე,
მოსკოვისა და სრულიად რუსეთის პატრიარქი

 

გაზიარება:
შედგა უწმინდესი პატრიარქ კირილეს სამუშაო შეხვედრა საგარეო საეკლესიო კავშირების განყოფილების ახალდანიშნულ თავმჯდომარესთან

10.06.2022

პატრიარქი კირილე: ჩვენ ვლოცულობთ იმისთვის, რომ დროებითმა გარეგანმა შუასაყარმა არ დაარღვიოს ჩვენი სულიერი ერთობა

29.05.2022

სრულიად საქართველოს კათოლიკოს-პატრიარქმა ილია II-მ რუსეთის ეკლესიის წინამძღვარს წმინდა მფარველის დღე მიულოცა

24.05.2022

პატრიარქი კირილე: ჩვენი სამწყსო არის რუსეთშიც და უკრაინაშიც, და ჩვენ მხურვალედ ვლოცულობთ მშვიდობის აღსადგენად

18.05.2022

სსკგ-ის კომუნიკაციის სამსახურის განმარტება გამოცემა Corriere della sera-სთან რომის პაპის ფრანცისკეს ინტერვიუსთან დაკავშირებით

04.05.2022

შედგა უწმინდესი პატრიარქის კირილეს საუბარი სერბეთის მართლმადიდებელი ეკლესიის წინამძღვართან

27.04.2022

უწმინდესი პატრიარქის კირილეს სააღდგომო მილოცვა ადგილობრივი მართლმადიდებელი ეკლესიების მეთაურებს

24.04.2022

მოსკოვისა და სრულიად რუსეთის პატრიარქის კირილეს სააღდგომო ეპისტოლე

23.04.2022

წმინდა სინოდი მნიშვნელოვნად მიიჩნევს უკრაინის კრიზისთან დაკავშირებით უცხოდმადიდებელი ეკლესიების მეთაურებისა და ქრისტიანთაშორისი საზოგადოებებისათვის რუსეთის ეკლესიის პოზიციის გაცნობას

25.03.2022

უწმინდესი პატრიარქის კირილეს თავმჯდომარეობით გაიხსნა რუსეთის მართლმადიდებელი ეკლესიის წმინდა სინოდის სხდომა

24.03.2022

უწმინდესი პატრიარქის კირილეს გამოსვლა უმაღლეს საეკლესიო საბჭოს სხდომაზე 2022 წლის 18 მარტს

18.03.2022

უწმინდესი პატრიარქის კირილეს პასუხი ალექსანდრიის უნეტარეს პატრიარქ თეოდორეს

05.03.2022

პატრიარქ კირილეს მიმართვა რუსეთის ეკლესიის მღვდელთმთავრებს, მოძღვრებს, ბერ-მონაზვნებს და მის ყველა ერთგულ შვილს

24.02.2022

ანტიოქიის მართლმადიდებელი ეკლესიის წინამძღვრის მილოცვა უწმინდეს პატრიარქ კირილეს ინტრონიზაციის დღესთან დაკავშირებით

02.02.2022

რუმინეთის მართლმადიდებელი ეკლესიის წინამძღვარმა უწმინდეს პატრიარქ კირილეს ინტრონიზაციის დღე მიულოცა

02.02.2022

სსკგ-ის თავმჯდომარე სანკტ-პეტერბურგის სასულიერო აკადემიას ეწვია

24.06.2022

შედგა ვოლოკოლამსკის მიტროპოლიტ ანტონის პირველი შეხვედრა სსკგ-ის თანამშრომლებთან

17.06.2022

მიტროპოლიტი ანტონი: ექსტრემიზმის გამოვლინების ზრდა საფრთხეს უქმნის წმინდა მიწაზე ზოგადქრისტიანული სიწმინდეების შენარჩუნებას

17.06.2022

შედგა უწმინდესი პატრიარქ კირილეს სამუშაო შეხვედრა საგარეო საეკლესიო კავშირების განყოფილების ახალდანიშნულ თავმჯდომარესთან

10.06.2022

დაინიშნენ საგარეო საეკლესიო კავშირების განყოფილების ახალი თავმჯდომარე და ზოგადსაეკლესიო ასპირანტურისა და დოქტორანტურის ახალი რექტორი

07.06.2022

მიტროპოლიტ ილარიონის კომენტარი კონსტანტინეპოლის საპატრიარქოს სინოდის მიერ მაკედონიის ეკლესიის აღიარებაზე

31.05.2022

მიტროპოლიტი ილარიონი: ერთობა რუსეთის მართლმადიდებელ ეკლესიასა და უკრაინის მართლმადიდებელ ეკლესიას შორის შენარჩუნებულია

28.05.2022

ვოლოკოლამსკის მიტროპოლიტი ილარიონი კვიპროსის მთავარეპისკოპოს ქრიზოსტომოსს შეხვდა

12.05.2022

რუსეთის მართლმადიდებელი ეკლესიის დელეგაცია მონაწილეობას იღებს მსოფლიო ეკლესიათა საბჭოს მართლმადიდებლურ წინაასამბლეაში

10.05.2022

მიტროპოლიტმა ილარიონმა იმ სამუშაოზე ილაპარაკა, რომელსაც ეკლესია აწარმოებს უკრაინაში არსებული პოლიტიკური დაპირისპირების პირობებში

09.05.2022

მიტროპოლიტი ილარიონი: სანქციების შემოღება არ იმოქმედებს რუსეთის მართლმადიდებელი ეკლესიის ცხოვრებაზე

09.05.2022

შედგა უწმინდესი პატრიარქის კირილეს საუბარი სერბეთის მართლმადიდებელი ეკლესიის წინამძღვართან

27.04.2022

მიტროპოლიტმა ილარიონმა ილაპარაკა იმის შესახებ, თუ როგორ ეხმარებიან ლტოლვილებს მართლმადიდებელი ეკლესიები

24.04.2022

მიტროპოლიტმა ილარიონმა ისაუბრა იმის შესახებ, თუ როდის შეიძლება გაირკვეს სამღვდელთმთავრო კრების თარიღი

24.04.2022

შედგა ღვთისმეტყველებისა და საღვთისმეტყველო განათლების საკითხებში კრებათაშორისი დასწრების კომისიის სხდომა

13.04.2022

მიტროპოლიტი ილარიონი: რელიგიური ცხოვრების არსი ღმერთის სიყვარულშია

16.01.2022

მიტროპოლიტი ილარიონი: დაე უფალი იესო ქრისტეს ამქვეყნად მოსვლის სიხარული ყოველთვის ცოცხლობდეს ჩვენს გულებში

09.01.2022

შობის წინა დღეს მიტროპოლიტი ილარიონი მოსკოვის ღვთისმშობლის ხატის – „ყოველთა მწუხარეთა სიხარული“-ს ტაძარში ღვთისმსახურებას წარუძღვა

06.01.2022

მიტროპოლიტი ილარიონი: უფალი თითოეულ ადამიანს ცხონებისკენ სხვადასხვა საშუალებით მოუწოდებს

27.12.2021

მიტროპოლიტი ილარიონი: უფალი მოყვასის სიყვარულს მოგვიწოდებს

05.12.2021

მიტროპოლიტი ილარიონი: ჩვენ გვწამს, რომ ანგელოზები ჩვენს ყოველდღიურ ცხოვრებაში მონაწილეობენ

21.11.2021

ღირსი ვარლაამ ხუტინელის ხსენების დღეს სსკგ-ის თავმჯდომარემ „ყოველთა მწუხარეთა სიხარულის“ ხატის სახელობის ტაძარში საღმრთო ლიტურგია აღავლინა

19.11.2021

მიტროპოლიტი ილარიონი: უფალმა ჩვენ მცნებად მოგვცა თითოეული ადამიანის სიყვარული

31.10.2021

სსკგ-ს თავმჯდომარემ რუბცოვოს ყოვლადწმინდა ღვთისმშობლის საფარველის ტაძარში ლიტურგია აღასრულა

17.10.2021

მიტროპოლიტი ილარიონი: ყოვლადწიდა ღვთისმშობლის საფარველის დღეს ჩვენ ღვთის დედის ზეციურ მეოხებას განვადიდებთ

14.10.2021

სსკგ-ს თავმჯდომარემ მოსკოვის წმინდა მოწამეების მიქაელისა და თეოდორე ჩერნიგოველების მეტოქიონში წირვა აღავლინა

03.10.2021

მიტროპოლიტმა ილარიონმა ზოგადსაეკლესიო ასპირანტურის აკადემიური ტაძრის სასაყდრო დღესასწაული წარმართა

11.09.2021

მიტროპოლიტი ილარიონი: ადამიანის ცხოვრებაში ბევრი რამ რწმენაზე არის დამოკიდებული

29.08.2021

მიტროპოლიტი ილარიონი: სული წმიდა – ქრისტიანული სულის მთავარი საუნჯეა

01.08.2021

მიტროპოლიტი ილარიონი: სიწმინდე - ეს არის მუდმივი სწრაფვა, მიბაძო უფალ იესო ქრისტეს

27.06.2021

უკუკავშირი

ველები მონიშნულია * შევსება აუცილებელია

გაგზავნეთ მიმართვა
Рус Укр Eng Deu Ελλ Fra Ita Бълг ქარ Срп Rom عرب