მოსკოვის საპატრიარქო
სერბეთის პატრიარქმა პორფირემ უმასპინძლა სსკგ-ის წარმომადგენელს და ქრისტიანული კულტურისა და მემკვიდრეობის მხარდაჭერის ფონდის დელეგაციას
2021 წლის 6 დეკემბერს ბელგრადში სერბეთის უწმინდესმა პატრიარქმა პორფირემ მიიღო მოსკოვის საპატრიარქოს საგარეო საეკლესიო კავშირების განყოფილების თავმჯდომარის მოადგილე დეკანოზი ნიკოლოზ ბალაშოვი და ქრისტიანული კულტურისა და მემკვიდრეობის მხარდაჭერის ფონდის დელეგაცია ფონდის აღმასრულებელი დირექტორის ე. ი. სკოპენკოს მეთაურობით.
დეკანოზმა ნიკოლოზ ბალაშოვმა სერბეთის მართლმადიდებელი ეკლესიის მეთაურს მოსკოვისა და სრულიად რუსეთის უწმინდესი პატრიარქის კირილესა და სსკგ-ის თავმჯდომარის ვოლოკოლამსკის მიტროპოლიტის ილარიონის მისალმება გადასცა. თბილ ატმოსფეროში განიხილეს რუსეთისა და სერბეთის მართლმადიდებელი ეკლესიების ურთიერთობათა მდგომარეობა და განვითარების პერსპექტივები, ასევე ქრისტიანული კულტურისა და მემკვიდრეობის მხარდაჭერის ფონდის შესაძლო მონაწილეობა სერბეთის მართლმადიდებელი ეკლესიის კულტურული მემკვიდრეობის დასაცავად მიმართულ პროექტებში.
შეხვედრაში მონაწილეობა მიიღეს ზვორნიცკო-ტუზლანის ეპისკოპოსმა ფოტიმ, სერბეთის უწმინდესი პატრიარქის ვიკარიუსმა მარჩანის ეპისკოპოსმა საბამ, ბელგრადში რუსეთის მართლმადიდებელი ეკლესიის მეტოქიონის წინამძღვარმა დეკანოზმ ვიტალი ტარასიევიმა, სსკგ-ის სამდივნოს თანამშრომელმა მართლმადიდებელთაშორისი ურთიერთობების საკითხებში ა.იუ. ხოშევმა, ფონდის თანამშრომლებმა.
იმავე დღეს რუსეთის საელჩოში გაიმართა დეკანოზ ნიკოლოზ ბალაშოვისა და ე. ი. სკოპენკოს შეხვედრა რუსეთის ფედერაციის საგანგებო და სრულუფლებიან ელჩთან სერბეთის რესპუბლიკაში ა.ა. ბოცან-ხარჩენკოსთან.
სსკგ-ის კომუნიკაციის სამსახური
პატრიარქი
განყოფილების თავმჯდომარე
27.04.2022
24.04.2022
18.03.2022
09.05.2022
27.04.2022
21.11.2021
17.10.2021