მთავარი გვერდი ახალი ამბები
მიტროპოლიტი ილარიონი: ადამიანის ცხოვრებაში ბევრი რამ რწ…

მიტროპოლიტი ილარიონი: ადამიანის ცხოვრებაში ბევრი რამ რწმენაზე არის დამოკიდებული


2021 წლის 29 აგვისტოს, სულთმოფენობიდან მე-10 კვირიაკეს, ყოვლადწმიდა ღვთისმშობლის მიძინების შემდგომ დღესასწაულზე, მოსკოვის საპატრიარქოს საგარეო საეკლესიო კავშირების განყოფილების თავმჯდომარემ, ვოლოკოლამსკის მიტროპოლიტმა ილარიონმა საღვთო ლიტურგია აღასრულა მოსკოვის „ყოველთა მწუხარეთა სიხარულის“ ხატის სახელობის ტაძარში, ბოლშაია ორდინკაზე.

მწყემსთმთავარს თანამსახურება გაუწიეს ტაძრის კლირიკოსებმა.

საგანგებო კვერექსზე აღვლენილ იქნა ლოცვითი ვედრება კორონოვირუსის ინფექციისგან დასახსნელად.

საგანგებო კვერექსის შემდეგ მიტროპოლიტმა ილარიონმა აღავლინა ლოცვა, რომელიც მავნებელი ჰაერის გავრცელების დროს იკითხება.

საღვთო ლიტურგიის დასრულების შემდეგ მიტროპოლიტმა დამსწრე მრევლს ქადაგების სიტყვით მიმართა:

„სახელითა მამისათა და ძისათა და სულისა წმიდისათა!

დღევანდელი სახარების საკითხავში ჩვენ გვესმოდა იმის შესახებ, თუ როგორ განდევნა ეშმაკეული ყრმიდან ეშმაკი უფალმა იესო ქრისტემ. როდესაც მოწაფეებმა ჰკითხეს: „რაჲსათჳს ჩუენ ვერ შეუძლეთ განჴდად მისა? (მთ. 17:19), ძე ღვთისამ უპასუხა: „ურწმუნოებისა თქუენისათჳს. ამენ გეტყჳ თქუენ: უკუეთუ გაქუნდეს სარწმუნოებაჲ, ვითარცა მარცუალი მდოგჳსაჲ, ჰრქუათ მთასა ამას: „მიიცვალე ამიერ იქი“, და მიიცვალოს, და არარაჲ შეუძლებელ იყოს თქუენ მიერ (მთ. 17:20).    

ეს სიტყვები შირად ისმის ჩვენს გულებში, და ჩვენ საკუთარ თავს ვეკითხებით: როგორ არის შესაძლებელი ადამიანს ჰქონდეს ისეთი რწმენა, რომ მან მთები გადაადგილოს? და რატომაა, როცა ვლოცულობთ და რაიმეს ვითხოვთ, ვერ ვიღებთ შეთხოვნილს? იმიტომ ხომ არა, რომ სუსტი რწმენა გვაქვს? ან იმიტომ ხომ არა, რომ ღმერთს არ ნებავს, შეთხოვნილი მოგვცეს? ან სხვა რამ მიზეზით?

თუკი ადამიანს ძლიერი რწმენა აქვს, მაშინ მთავარი ლოცვა, რომელსაც ის წარმოთქვამს – ეს არის ლოცვა, რომელიც უფალმა ჩვენ იესო ქრისტემ გვასწავლა: იყავნ ნება შენი. თავად ქრისტემ სწორედ ასეთი ლოცვის სახე მოგვცა, როდესაც თავისი ჯვარზე ვნების წინ, იცოდა რა, რომ ამ ღამეს ის სასიკვდილოდ იქნებოდა მიცემული, გეთსამანიის ბაღში თავისი მამის მიმართ ლოცულობდა: „მამაო ჩემო, უკუეთუ შესაძლებელ არს, თანა-წარმჴედინ ჩემგან სასუმელი ესე; ხოლო არა ვითარ მე მნებავს, არამედ ვითარცა შენ“ (მთ. 26:39). ეს იყო ადამიანის სიტყვები, რომელსაც ეშინოდა სიკვდილის, როგორც ეშინია მისი ყველა მიწიერ ადამიანს, მაგრამ იმავდროულად ამ ლოცვაში ძე ღვთისამ საკუთარი თავი მამა ღმერთს არწმუნა: „ნუ ნებაჲ ჩემი, არამედ ნებაჲ შენი იყავნ“ (ლკ. 22:42). ეს იყო ადამიანის ლოცვა, რომელმაც მთელი თავისი ნება სრულიად შუერთა ზეციერი მამის ნებას. ეს იყო ღმერთკაცის ლოცვა, რომელიც მოვიდა ადამიანების სახსნელად ყოველგვარი ცოდვისგან. და ეს ლოცვა გვასწავლის იმას, თუ როგორ უნდა ვილოცოთ, და როგორი რწმენისთვის ვართ მოწოდებულნი.

უფალი მოგვიწოდებს ვილოცოთ ყველაფრისთვის, რაც უნდა მოგვინდეს. ის ბრძანებს: „უკუეთუ ორნი თქუენგანნი შეითქუნენ ქუეყანასა ზედა ყოვლისათჳსვე საქმისა, რომელიცა ითხოონ, ეყოს მათ მამისა ჩემისაგან ზეცათაჲსა. რამეთუ სადაცა იყვნენ ორნი გინა სამნი შეკრებულ სახელისა ჩემისათჳს, მუნ ვარ მე შორის მათსა“ (მთ. 18:19-20).

ჩვენ ვლოცულობთ საღვთო ლიტურგიასა და სხვა ღვთისმსახურებებზე, და ვიცით, რომ ეს ლოცვა ღმერთამდე აღწევს. მაშინაც კი, თუკი ყოველთვის ჩვენი კონკრეტული სათხოვარი უფლის მიერ არ სრულდება – ან იმიტომ, რომ უფალს არ ნებავს, ანაც იმიტომ, რომ სუსტი რწმენა გვაქვს.

მაგრამ უფალი გვახსენებს დღევანდელი შემთხვევით, რომლის შესახებაც სახარების საკითხავში მოვისმინეთ, რომ ადამიანის ცხოვრებაში ძალიან ბევრი რამ რწმენაზეა დამოკიდებული. მარცვლის ოდენა რწმენასაც კი, ანუ რწმენას, რომელიც თითქოსდა, მცირეა და არამყარი, შეუძლია მოახდინოს სასწაულები, თუკი ადამიანი სასოებს არა საკუთარ ძალებს, არამედ – ღმერთს.

კიდევ, სახარების დღევანდელი საკითხავი შეგვახსენებს, რომ ეშმაკები შეიძლება ჩვენთან ძალიან ახლოს იმყოფებოდნენ და მზად იყვნენ ჩვენში ჩასასახლებლად, თუ მათ კარს გავუღებთ. და საიმედო დაცვა ამ ეშმაკისეული მცდელობებისგან, არის რწმენა, ასევე ლოცვა და მარხვა, რაც ამცნო კიდეც უფალმა თავის მოწაფეებს: „ხოლო ესე ნათესავი არარაჲთ განვალს, გარნა ლოცვითა და მარხვითა“ (მთ. 17:21).

ჩვენ ეს-ესაა დავასრულეთ მიძინების მარხვა, მაგრამ არ ვწყვეტთ მარხვის დღეების დაცვას, რომლებიც ეკლესიის მიერ არის დადგენილი. ხოლო ლოცვას უფალი მუდმივად მოგვიწოდებს. მოციქული პავლეც შეგვახსენებს, რომ მოუკლებლად უნდა ვლოცულობდეთ.

სამი იარაღი, რომელსაც ვფლობთ, – რწმენა, ლოცვა და მარხვა, – ამარცხებს ჩვენს ირგვლივ მყოფ ეშმაკებს, რომლებიც ძალიან ბევრნი არიან. ისინი, შეიძლება, ისე არ ჩანან, როგორც ეს ადრეულ ხანებში იყო, როდესაც ეშმაკები ადამიანებში სახლდებოდნენ, როცა ეშმაკეულები ქალაქებში დადიოდნენ, სხვადასხვა ხმით ყვიროდნენ. ახლა ეშმაკებმა სხვაგვარად მოქმედება ისწავლეს. ისინი ადამიანებზე მასობრივი ინფორმაციის საშუალებებით მოქმედებენ, ინტერნეტის მეშვეობით, სულის გამრყვნელი სხვადასხვაგვარი პროპაგანდის გზით, იმით, რომ ცოდვის დაკანონება – მისი ნორმად ქცევა ხდება, და ბევრი სხვა რამით.

ეს ეშმაკისეული მცდელობები განსაკუთრებით საშიშია ახალგაზრდებისთვის, ჯერ კიდევ რწმენაში განუმტკიცებელი ადამიანებისთვის. აი, რატომაც ყოველთვის განსაკუთრებული ლოცვა გვმართებს ბავშვებისა და ახალგაზრდებისთვის. აი, რატომაც ეკლესიამ განსაკუთრებული ძალისხმევა უნდა გამოიყენოს იმისთვის, რომ ბავშვები და ახალგაზრდები ღმერთს არ დაშორდნენ, არ მოექცნენ ეშმაკის გავლენის ქვეშ და შეინარჩუნონ მტკიცე რწმენა, რომელიც მათ მთელი ცხოვრების განმავლობაში, ღრმა სიბერემდე გამოადგებათ.

დღევანდელ დღეს, რომელიც წინ უძღვის სასწავლო წლის დაწყებას, ჩვენ აღვავლენთ ლოცვებს იმისთვის, რომ უფალმა სწავლაში განამტკიცოს ჩვენი ბავშვები და ჩვენი ახალგაზრდობა. მაგრამ ყველაზე მთავარი, რასაც ჩვენ მათთვის უფლისგან გამოვითხოვთ – ეს არის, რომ მან ისინი რწმენაში განამტკიცოს, რამეთუ რწმენა ის სიმტკიცეა, რომელიც თითოეულ ბავშვს და თითოეულ ახალგაზრდა ადამიანს დაეხმარება, განვლოს ეს ცხოვრება შეუბილწავად და არ მოხვდეს დემონების ზეგავლენის ქვეშ. ხოლო თუ ისე მოხდა, რომ მაინც მოექცა ამ გავლენის ქვეშ, მაშინ რწმენა მას ყოველთვის დააბრუნებს ღმერთთან და ეკლესიაში. ამინ“.

შემდეგ ვოლოკოლამსკის მიტროპოლიტმა ილარიონმა ყრმათათვის სწავლის დაწყების წინ საკითხავი პარაკლისი აღასრულა.

სსკგ-ს კომუნიკაციების სამსახური

გაზიარება:
უწმინდესმა პატრიარქმა კირილემ ბულგარეთის უწმინდეს პატრიარქ დანიელს საპატრიარქო ტახტზე გამორჩევა და აღსაყდრება მიულოცა

30.06.2024

უწმინდესი პატრიარქი კირილე პატიმრობიდან გათავისუფლებულ ტულჩინისა და ბრაცლავის მიტროპოლიტ იონათანს შეხვდა

25.06.2024

პატრიარქმა კირილემ უხელმძღვანელა ღირსი ანდრია რუბლიოვის მიერ დაწერილი ყოვლადწმინდა სამების ხატის მიბრძანებას წმინდა სერგის სამების ლავრაში

22.06.2024

ტულჩინისა და ბრაცლავის მიტროპოლიტი იონათანი გაათავისუფლეს

22.06.2024

უწმინდეს პატრიარქ კირილეს თავმჯდომარეობით რუსეთის მართლმადიდებელი ეკლესიის წმინდა სინოდის მორიგი სხდომა გაიმართა

30.05.2024

უწმინდესი პატრიარქი კირილე დამწუხრებული და აღშფოთებულია სერბეთის ეკლესიის წინამძღვრისა და მღვდელთმთავრების კოსოვოში შესვლის აკრძალვით

17.05.2024

უწმინდესმა პატრიარქმა კირილემ ადგილობრივი მართლმადიდებელი ეკლესიების წინამძღვრებს ქრისტეს აღდგომა მიულოცა

05.05.2024

უწმინდესმა პატრიარქმა კირილემ მილოცვები გაუგზავნა ძველი აღმოსავლეთის ეკლესიების წინამძღვრებს, რომლებიც აღდგომას 5 მაისს დღესასწაულობენ

05.05.2024

მოსკოვისა და სრულიად რუსეთის პატრიარქ კირილეს სააღდგომო ეპისტოლე

04.05.2024

პატრიარქი კირილე სსკგ-ის თავმჯდომარეს და დასავლეთ ევროპის საპატრიარქო ეგზარქოსს შეხვდა

09.04.2024

წმინდა სინოდის წევრების მისალოცი ადრესი უწმინდეს პატრიარქ კირილეს აღსაყდრების 15 წლისთავთან დაკავშირებით

01.02.2024

უწმინდესმა პატრიარქმა კირილემ საქართველოს მართლმადიდებელი ეკლესიის წინამძღვარს წმინდა მოციქულთასწორ ნინოს ხსენების დღე მიულოცა

27.01.2024

რუსეთის ეკლესიის წინამძღვარი XXXII საერთაშორისო საშობაო საკითხავების პლენარულ სხდომას გაუძღვა

24.01.2024

უწმინდესი პატრიარქი კირილე: კონსტანტინოპოლის პატრიარქი არ არის თავისუფალი ადამიანი

07.01.2024

უწმინდესმა პატრიარქმა კირილემ ადგილობრივი მართლმადიდებელი ეკლესიების წინამძღვრებს ქრისტეს შობის დღესასწაული მიულოცა

07.01.2024

საგარეო საეკლესიო კავშირების განყოფილების თავმჯდომარე მოსკოვში ანტიოქიის საპატრიარქოს მეტოქიონს ეწვია

27.06.2024

სსკგ-ის თავმჯდომარე ბაქოსა და აზერბაიჯანის ეპისკოპოს ალექსის შეხვდა

27.06.2024

პატრიარქმა კირილემ უხელმძღვანელა ღირსი ანდრია რუბლიოვის მიერ დაწერილი ყოვლადწმინდა სამების ხატის მიბრძანებას წმინდა სერგის სამების ლავრაში

22.06.2024

სინოდის კონსტატაციით, შეუძლებელია ბულგარეთის ეკლესიის იმ იერარქებთან თანამსახურება, რომლებიც სქიზმატებთან საეკლესიო ზიარებაში შევიდნენ

30.05.2024

უწმინდეს პატრიარქ კირილეს თავმჯდომარეობით რუსეთის მართლმადიდებელი ეკლესიის წმინდა სინოდის მორიგი სხდომა გაიმართა

30.05.2024

სსკგ-ის თავმჯდომარემ ადგილობრივი მართლმადიდებელი ეკლესიების წინამძღვრებს სააღდგომო მილოცვები გაუგზავნა

05.05.2024

სსკგ-ის თავმჯდომარემ სააღდგომო მილოცვა გაუგზვნა ძველი აღმოსავლური ეკლესიების მეთაურებს, რომლებიც აღდგომას 5 მაისს აღნიშნავენ

05.05.2024

პატრიარქი კირილე სსკგ-ის თავმჯდომარეს და დასავლეთ ევროპის საპატრიარქო ეგზარქოსს შეხვდა

09.04.2024

მოსკოვში, სერბეთის მეტოქიონში, მორავიჩის ეპისკოპოს ანტონის დაკრძალვა შედგა

16.03.2024

მოსკოვისა და სრულიად რუსეთის პატრიარქის მრჩეველს სერბეთის სახელმწიფო ჯილდო გადაეცა

05.03.2024

შედგა სერბეთის პატრიარქის სამუშაო შეხვედრა სსკგ-ის თავმჯდომარესთან

04.03.2024

მიტროპოლიტმა ანტონიმ მონაწილეობა მიიღო ინდოეთში მოციქულ თომას მოწამეობრივი ღვაწლის 1950 წლის აღსანიშნავ ღონისძიებებში

26.02.2024

სსკგ-ის თავმჯდომარე ანტიოქიის მართლმადიდებელი ეკლესიის წინამძღვარს შეხვდა

30.01.2024

სსკგ-ის მეთაურმა სრულიად საქართველოს კათოლიკოს-პატრიარქს, უწმინდესსა და უნეტარეს ილია II-ს მოციქულთასწორის, წმინდა ნინოს ხსენების დღე მიულოცა

27.01.2024

რუსეთის ეკლესიის წინამძღვარი XXXII საერთაშორისო საშობაო საკითხავების პლენარულ სხდომას გაუძღვა

24.01.2024

სსკგ-ს თავმჯდომარემ რუბცოვოს ყოვლადწმინდა ღვთისმშობლის საფარველის ტაძარში ლიტურგია აღასრულა

17.10.2021

მიტროპოლიტი ილარიონი: ყოვლადწიდა ღვთისმშობლის საფარველის დღეს ჩვენ ღვთის დედის ზეციურ მეოხებას განვადიდებთ

14.10.2021

სსკგ-ს თავმჯდომარემ მოსკოვის წმინდა მოწამეების მიქაელისა და თეოდორე ჩერნიგოველების მეტოქიონში წირვა აღავლინა

03.10.2021

მიტროპოლიტმა ილარიონმა ზოგადსაეკლესიო ასპირანტურის აკადემიური ტაძრის სასაყდრო დღესასწაული წარმართა

11.09.2021

მიტროპოლიტი ილარიონი: ადამიანის ცხოვრებაში ბევრი რამ რწმენაზე არის დამოკიდებული

29.08.2021

მიტროპოლიტი ილარიონი: სული წმიდა – ქრისტიანული სულის მთავარი საუნჯეა

01.08.2021

მიტროპოლიტი ილარიონი: სიწმინდე - ეს არის მუდმივი სწრაფვა, მიბაძო უფალ იესო ქრისტეს

27.06.2021

Page is available in the following languages
უკუკავშირი

ველები მონიშნულია * შევსება აუცილებელია

გაგზავნეთ მიმართვა
Рус Укр Eng Deu Ελλ Fra Ita Бълг ქარ Срп Rom عرب